Үлкенді сыйлау, қарттарын қадірлеу – халқымызға тән ізгі қасиеттердің бірі. Атадан балаға мирас болып қалған дәстүр бүгінде сабақтастығын тауып жатыр. Биылғы Қарттар күні Баянауыл ауданында ерекше аталып өтілді. Аудан әкімі Е.Айткенов аудан қарияларына айрықша сый-құрмет көрсетіп, дастархан жайды. Аудан өнерпаздарының күшімен мерекелік концерт қойылды.
Жылдағы дәстүр бойынша әрбір ауылдық округте қарияларға арналып мерекелік дастархан жайылып, құрмет көрсетілді. Жалғыз басты және мүгедек жандарға түрлі көмек ұсынылып, үй-шаруаларына қолғабыс жасалды. Әр ауылдың жастары мен мектеп оқушылары бірігіп концерт ұйымдастырды.
Көмекті қажет ететін қарттар, мүгедектер жыл бойы аудан басшылығының назарында болады. Ауыл адамдарының қарияларымызға деген қамқорлықтары алдағы уақытта да жалғасын табады.
Мұрат АЯҒАНОВ.
