Келін болып, ақ босаға аттағаныма биыл 18 жыл толып отыр. Осы уақыт аралығында мені туған қызындай мәпелеп, кемшілігімді кешіріп, ақыл-кеңесін беруден аянбаған енеме ризамын. Ол – жүрегі пәк, алтын адам. Мен болсам анамдай болған енемнің бойындағы асыл қасиеттерін құрметтеп, кез-келген мәселені ақыл-сабырмен шешуді үйрендім.
Ол – көпшіл жан. Айналасындағы адал достары мен жолдас-жоралары өте көп. Ал енемнің аспаздық өнері туралы көп айтуға болады. «Ас – адамның арқауы» қағидасын ұстанған ол - қазақтың ұлттық тағамдарын дайындаудың хас шебері. Немерелеріне ұлттық тағамдардың қадір-қасиеті мен емдік дәрумен екенін дәріптеп, насихаттап келеді.
Раушан МАҚСҰТБЕКҚЫЗЫ,
келіні.
(Материалдың толық нұсқасын «Сарыарқа самалы» газетінің 2011 жыл 2 шілдедегі номерінен оқи аласыз)
