Екібастұз қаласының бұрынғы әкімі Рамазан Жұматаевтың өліміне қатысты қылмыстық іс бойынша үкім шығарылды. Облысымыздың алқа билер соты үкімімен аталмыш қылмысқа қатысы бар деген айыппен құрықталған төрт күдіктінің бірі Серік Мұқантаев он үш жылға бас бостандығынан айырылды. Ал қалған үшеуі кінәсіз деп табылды. Алайда, іс мұнымен аяқталды деп айту әлі ерте сияқты. Себебі, екі тарап та, айыпталушылар мен жапа шегушілер сот үкімімен келіспейтіндіктерін білдірді. С.Мұқантаев өзінің кінәсіз екендігін дәлелдеп бағуда. Экс-әкімнің туған-туыстары болса барлық күдіктілердің тиісті жазасын алғандығын қалайды. Онымен қоса, марқұмға оқ жаудырған қылмыскер әлі ұсталған жоқ. Ол осымен төртінші жыл іздеуде. Осылайша, бірнеше жылға созылған атышулы қылмыстық істің соңы бітер емес.
Данияр ЖҰМАДІЛОВ.
(Материалдың толық нұсқасын «Сарыарқа самалы» газетінің 2011 жыл 16 шілдедегі номерінен оқи аласыз)
