Екібастұз қаласының солтүстік-батысында Екібастұз ауылдық округінің орталығы Төртүй деген ауыл бар. Он тоғызыншы ғасырдың аяғында Шідерті өзенінің оңтүстік жағасындағы шағын қыраттың үстіне ағайынды төрт жігіт үй салып, қоныс қылған екен. Өткен ғасырдың отызыншы жылдары Кеңес өкіметі осы жерде кеңшар ұйымдастырып, Төртүй үлкен ауылға айналады. Жерінің топырағы құнарлы бұл елді мекен кейін облыс көлеміндегі бақуатты шаруашылықтардың бірі болды. Кеңшар Екібастұз аталғанымен, оның орталығы сол баяғы Төртүй атауымен қалды.
Төртүйде орта мектеп, мәдениет үйі, учаскелік аурухана, балабақша болды. Осы Екібастұз орта мектебін бітірген жүздеген түлек аудан, облыс тіпті, республика көлемінде абыройлы еңбек етті. Солардың бірі – Зейнолла Секенұлы Молдахметов.
Амангелді ҚАҢТАРБАЕВ,
ардагер журналист.
(Материалдың толық нұсқасын «Сарыарқа самалы» газетінің 2011 жыл 1 қыркүйегіндегі номерінен оқи аласыз)
