Нұрғайша Ғайсақызы Баринова - Ресей Федерациясының еңбек сіңірген ұстазы. Алтай өлкесіне қарасты Құлынды ауданы Керей ауылындағы Қаракөл орта мектебінде ұстаздық қызметін атқарғанына 45 жылдан астам уақыт өткен. Үш баланың анасы. Керей елді мекеніндегі 1925 жылы ашылған білім ордасының 25 жыл бойы директоры болды. Бүгінгі күні 80 үй түтін түтетіп отырған Керей ауылындағы жалғыз мектеп ұжымы қазақ халқының тарихын, мәдениеті мен ұлттық құндылықтарын сақтап, жастарға жеткізуді жұмысының өзегі деп санайды. Оған дәлел – мектептегі оқу бағдарламасының таза қазақ тілінде жүргізілуі, сонымен қатар, жергілікті тұрғындар ниетімен құрылған «Болашақ» бірлестігінің атқарып жатқан игілікті істері.
А.ЕСІМХАНОВА.
(Материалдың толық нұсқасын «Сарыарқа самалы» газетінің 2011 жыл 15 қыркүйектегі нөмірінен оқи аласыз)
