Естай атындағы Павлодар қалалық мәдениет сарайында мұғалімдер күніне орай, «Мектептің жүрегі – мұғалім» атты салтанатты жиын өтті. Оған облыс әкімі Бақытжан Сағынтаев қатысып, барша ұстаздар қауымын кәсіби мерекелерімен құттықтады.
Мерекелік шара облыстың білім беру саласына еңбегі сіңген ардагер ұстаздарға құрмет көрсетуден бастау алды. Бір топ ұлағатты ұстазға салтанатты түрде гүл шоқтары ұсынылды. Бұдан соң павлодарлық оқушылардың түрлі байқаулар мен облыстық, республикалық пән олимпиадаларында жеңіске жетуіне зор үлес қосып жүрген білікті де білімді мұғалімдерге облыс әкімінің атынан арнайы сыйлықтар табыс етілді. Осындай сый-құрметтен кейін аймақ басшысы Бақытжан Сағынтаев құттықтау сөз сөйледі.
Н.ШОДЫР.
(Материалдың толық нұсқасын «Сарыарқа самалы» газетінің 2011 жыл 4 қазандағы номерінен оқи аласыз)
