«Нұр Отан» ХДП Павлодар қалалық филиалы және «Павлодар – біздің ортақ үйіміз» ҚБ кәсіпорын, оқу орындары және коммерциялық құрылымдар басшылары мен ұжымдарын қаланы көріктендіру мен санитарлық тазалауға, «Күзгі сенбілікке» қатысып, сүйікті қаламыз үшін қомақты үлес қосуға шақырады. Жалпықалалық Күзгі сенбілік 15 қазан күні өтеді.
Барлық қала тұрғындарын сүйікті қаламыздың аумағын реттеп, аулаларды тазалау жұмыстарына шақырамыз.
Ел Президенті Н.Ә.Назарбаевтың Жолдауындағы негізгі міндеттемелердің бірі барлық салада халықтың әл-ауқатын жақсартуды арттыру болып табылады. Павлодар қаласының әкімдігімен 5 сәуірден бастап 30 қазанға дейін қаланың санитарлық мәдениетін жоғарылату және көріктендіру бойынша іс-шараларды жүргізу туралы шешім қабылданған. Бұл ретте, жалпы қалалық сенбілікке тек мемлекеттік органдар қызметкерлері ғана емес, сонымен қатар кәсіпорын, бизнес, қоғамдық қозғалыс ұйымдары және қала тұрғындары да қатысып, атсалысуы керек.
А.Ешмұратов, Нұр Отан» ХДП-ның Павлодар қалалық филиалы төрағасының бірінші орынбасары.
Е.Азаров, «Павлодар – біздің ортақ үйіміз» ҚБ төрағасы.
Біз туған қаламызды сүйеміз! Оның таза, қолайлы да әдемі болуы өз қолымызда!
