Жексенбі күні облыста оқтын-оқтын қар аралас жаңбыр жауып, екпіні қатты жел соқты. Соның салдарынан бірқатар ғимарат-тардың шатырлары ұшып, электр қуатынан ажырап қалды. Облыстық төтенше жағдайлар жөніндегі департаментінің мәліметінше, 6 қараша күні ышқына соққан жел Ақсу ферроқорытпа зауытын апатты жағдайға қалдырып, электр желісін зақымдаған. Павлодар электр тарату компаниясының желілері де істен шығып, сол себепті Ақсу қаласының тұрғын үйлері де электр қуатынан айырылды. Апатты оқиғаның салдары 50 минуттан соң жойылды.
Қатты желден зардап шеккендер қатарында Шарбақты ауданы Шарбақты ауылының, Успенка ауданы Тобылжан ауылы мектептерінің және облыс орталығындағы «Баспасөз үйінің» ғимараттары да бар. Оқыс жел шатырларды жұлып әкеткен. Абырой болғанда, адам шығыны жоқ. Қазірде келтірілген материалдық шығын көлемі есептелуде.
Н.ҚАНАТБЕКҰЛЫ.
