«Жетім көрсең, жебей жүр» деп дана халқымыз бекерге айтпаса керек. Бүгінде мемлекетіміз балалардың жан- жақты дамуына барлық қолайлы жағдай жасауда.
Қашыр ауданында балалар үйінен жетім сәбилерді өз қамқорлығына алып, туған балаларындай тәлім-тәрбие беріп келе жатқан отбасыларының қатары өсіп келеді. Бұл әрине құптарлық жағдай. «Қуан,сәби» атты акциясы бүгінде жалғасын Кашыр жерінде тауып отыр. Мереке жергілікті мәдениет ошағында ұйымдастырылды.
Айтулы салтанатты шараға аудан әкімінің орынбасары А.Марданова және балалардың құқығын қорғау жөніндегі облыстық департамент бастығының орынбасары А.Макенова қатысып, балғындарды мерекемен құттықтады.
Бұл күні мерекелік іс-шараға көп балалы жанұялар, балалар үйінің тәрбиеленушілері мен патронатты отбасылар қатысып, әрбір балаға қол үшін беруге даяр екендіктерін дәлелдеді. Акция қатысушылары аудан өнерпаздары дайындаған концертті тамашалады.
Г. ЖАЯБАЕВА.
