Ауданда халықтың аз қамтамасыз етілген топтарын қолдау бағытында жасалып жатқан шаралар аз емес. Әсіресе жұмыссыздық мәселесін шешу мықтап қолға алынуда. Бүгінге дейін 132 жұмыссыз жүрген адам еңбек орындарына орналасты. Қоғамдық жұмыстардың мерзімі 3-тен 6 айға дейін ұзартылды. Жоспарға сәйкес аудан бойынша қоғамдық жұмысқа 250 жұмыссызды тарту жоспарланса, қазірге дейін 183 осындай еңбек орындары құрылды. Тұрғындар негізінен елді мекендерді көріктендіру, көгалдандыру, әлеуметтік – мәдени маңызы бар нысандарға ағымдағы жөндеу жұмыстарын жүргізу, мерзімді баспасөз өнімдерін тарату және тағы басқа жұмыстарға тартылды. Бүгінгі күнге дейін 93 адам кәсіптік оқуға бағытталса, 15 жас маман жастар тәжірибесі бойынша жұмыс орындарына тұрды.
Айнұр ҚУАТҚЫЗЫ,
Баянауыл ауданы.
