«Мектепке жол» акциясы аясында тұрмыс деңгейi төмен және көп балалы отбасылардан шыққан оқушыларға, жетiм балалар мен ата-ананың қарауынсыз қалған бүлдіршіндерге қолдау көрсетілуде. Еліміздің ертеңі - білімді ұрпақ. Білімді ұрпақтың жарқын болуы мақсатында бүгінгі күні игілікті істер атқарудан қамқор жандар тыс қалмауда. Акция шеңберінде Алғабас ауылы М.Қабылбеков атындағы мектептің 36 аз қамтамасыз етілген отбасының балаларына көмек көрсетілді. Ол үшін Дәуіт Исенов басқаратын «Исеновтар» жеке шаруа қожалығы 10 мың теңге, ал Қарлығаш Хаертдинова 5 мың теңге берді. Сондай-ақ, ұстаздар ұжымы да қаржылай қолдау көрсетіп, мектепке керек-жарақтармен қамтамасыз етті.
А.СЕЙСЕНБАЕВА.
