Аудандық мәдениет үйінде «Жас кадрлары - ауылда» деген тақырыпта дөңгелек үстел өтті. Оған ҚР Парламент Мәжілісінің депутаттары – Мәжіліс төрағасының орынбасары В.Бобров және Т.Сыздықов, «Нұр Отан» ХДП филиалы облыстық төрағасының орынбасары А.Маржықбаев және аудандық мәслихат депутаттары қатысты.
Шара барысында Лебяжі аудандық жұмыспен қамту және әлеуметтік бағдарламалар бөлімі басшысының орынбасары Т.Көбайдаров ауылдық жерлерге жас мамандарды тарту мәселесіне тоқталды. 2009 жылы ауданға білім беру саласына - 42, денсаулық сақтау саласына - 11 және мәдениет саласына бір маман жұмысқа орналасқан. «Жастар» аудандық бағдарламасын жүзеге асыруға аудандық бюджеттен 490 мың теңге бөлінген.
Дөңгелек үстелге шақырылған жастар қауымы депутаттарға алғысын білдірді.
С.ХАЛЕМОВ,
Аудандық ішкі саясат бөлімінің бастығы.
