Домбыра – халық даналығы. Ол халқымыздың өмір тәжірибесі мен табиғат, адам, әлем туралы білімдерін, ескі діни наным-сенімдері мен көзқарасын бейнелеп, атадан балаға, ұрпақтан ұрпаққа жалғастырып отырды. Ал күйлер қазақ өнерінің інжу-маржаны болып табылады. Осы құдіреттің қасиетін сезініп, қазақтың қара домбырасын серік еткен жастар баршылық. Талай дарынның қияға қанат қағуына жол ашқан Павлодар қаласындағы музыкалық колледж - дарынды балаларға арналған музыкалық мектеп-интернат кешенінің оры бөлек десек, асыра айтпағандық болар.
Бой көтергеніне жарты ғасырдан астам уақыт болған облыс орталығындағы музыкалық колледжде ұлттық өнердің өрге басуы үшін көп жұмыстар атқарылуда. Бұл ретте аталмыш колледж ішінен ашылған қазақ ұлт аспаптары бөлімінің қосқан үлесі зор. Домбыра, қобыз, қылқобыз, шертер, бас домбыра мамандықтары бойынша 60-қа тарта оқушы білім алатын бөлімде жиырмаға жуық білікті мұғалім еңбек етеді.
Ақмарал ЕСІМХАНОВА.
(Материалдың толық нұсқасын «Сарыарқа самалы» газетінің 2011 жыл 1 қыркүйегіндегі номерінен оқи аласыз)
