Облыстағы шағын комплектілі мектептердің жағдайына қатысты мәселелерді талқылап, олардың шешу жолдарын қарастыру мақсатында Павлодар мемлекеттік педагогикалық институтында семинар ұйымдастырылды. Отырыс облыс аумағындағы аталған мектептерге қатысты мәселелердің шешілу жағдайына арналды. Оған ПМПИ-дің ректоры, философия ғылымдарының докторы, профессор Нұрғали Аршабеков, сондай-ақ аталған жоғары оқу орнының профессорлық-оқытушылық құрамы, өңірдегі шағын комплектілі мектептердің директорлары қатысты.
Мектеп жасындағы балалар санының азаюы, ауылдық жерлердегі тұрғындардың қалалық елді мекендерге көшуі мен педагогикалық кадрлардың жетіспеушілігі – шағын жинақты мектептердің пайда болуына негізгі себептер. Бүгінгі күні осындай мектептердегі көңіл көншітпейтін басты мәселе – білім сапасы. 2010-2011 оқу жылында Ертістің Павлодар өңіріндегі мектептер саны 415 болса, оның 70-тен астам пайыздық үлесі шағын жинақты мектептерге тиесілі.
А.ӘДІЛБЕК.
(Материалдың толық нұсқасын «Сарыарқа самалы» газетінің 2011 жыл 1 қыркүйегіндегі номерінен оқи аласыз)
