Соңғы жылдары аймағымызда спорт нысандары көптеп салынуда. Естеріңізде болса, «ҚазМұнайГаз» ұлттық компаниясы облыс орталығында бес бірдей шағын футбол алаңын ашқан болатын. Салтанатты жиында аймақ басшысы компанияның әлеуметтік салада атқарып жатқан осындай игі істерін жоғары бағалады. «Облыс көлемінде спорттық нысандар көптеп ашылуда. Бұл – қуантарлық жайт. Елбасы Нұрсұлтан Назарбаев спорт саласына айрықша мән беруде. Спортқа көңіл бөлу – халықтың денсаулығын басты назарда ұстау деген сөз. Сондықтан жергілікті тұрғындардың бұқаралық спортпен шұғылдануы үшін дәл осындай спорт құрылымдары керек. Былтыр ғана бой көтерген «Энергетик» теннис орталығы жас спортшылардың сұранысын толықтай қанағаттандыруда. Ал биылдан бастап орталықты кеңейту жұмыстары басталды. Мұндай келелі бастамалар алдағы уақытта өз жалғасын табарына кәміл сенемін»,-деді Бақытжан Әбдірұлы.
Фархат ӘМІРЕНОВ.
(Материалдың толық нұсқасын «Сарыарқа самалы» газетінің 2011 жыл 23 маусымындағы номерінен оқи аласыз)
