Қыс - қыр астында демекші, қазірде облыс орталығында жылыту кезеңіне байланысты дайындық жұмыстары қызу жүруде. Дүйсенбі күні Павлодар қаласының әкімі Бақытжан Жоламановтың қатысуымен өткен кеңесте тұрғын үй-коммуналдық шаруашылық және әлеуметтік қорғау нысандарының қысқы маусымға дайындығы кеңінен талқыланды.
Павлодар қалалық тұрғын үй-коммуналдық шаруашылық, жолаушы тасымалы және автокөлік жолдары бөлімінің бастығы Игорь Рыбастың мәлімдеуінше, бүгінгі таңда жылу қуатын тарататын магистральдік желілердің 18%-ы, аула ішілік желілердің 44%-ы, ал ыстық сумен қамту құбырларының 81%-ы жоспарлы жөндеу жұмыстарынан өткізілді.
Қала әкімі қысқа дайындық мәселесімен жіті айналысуды қалалық білім беру, тұрғын үй-коммуналдық шаруашылық, жолаушы тасымалы және автокөлік жолдары бөлімдерінің бастықтарына қатаң тапсырды. Тиісті тапсырмалар берілді.
Павлодар қаласы әкімінің баспасөз қызметі.
