2010 жылдың 14 желтоқсанында ҚР Мәдениет министрлігінің Тіл комитеті орыс жастары арасында казақ тілі білгірлерінің «Тіл – халық жанын танудың кілті» атты республикалық байқауын Астана қаласындағы Ресей ғылым және мәдениет орталығында өткізді.
Шараның басты мақсаты - «Қазақстан Республикасы Мәдениет министрлігі мен Қазақстанның орыс қауымы арасындағы өзара түсіністік пен әріптестік туралы» меморандумына сәйкес қазақ тілін жетік меңгерген жастарға қолдау көрсету.
Аталған шараға республиканың барлық облыстарынан және Астана мен Алматы қалаларынан 14-22 жас аралығындағы үміткерлер қатысты.
Республикалық байқауда облысымыздың намысын қорғауға облыстық конкурстың жеңімпазы Юлия Михайленко қатысып, бас жүлдені иеленді.
Павлодар облысы тілдерді дамыту жөніндегі басқармасы.
