Таяуда С.Торайғыров атындағы облыстық кітапханада облыс тілдерді дамыту жөніндегі басқармасының ұйымдастыруымен «Басқарма күні» өткізілді.
Шараның басты мақсаты – ресурстық орталықтың қазақ тіліндегі кітап қорын толықтыру және жаңарту, «Жеңіс» қазақ тілін оқып-үйренуге арналған электронды оқулығымен, сөздіктермен, басқа да әдістемелік оқу құралдарымен қамтамасыз ету.
С.Торайғыров атындағы облыстық кітапхана – бүгінгі күнде мемлекеттік тілдің дамуын кеңінен насихаттап, жастардың патриоттық сезімдерін тәрбиелеуде, оқырмандардың қазақ тіліне деген сүйіспеншілігін арттыруда зор үлес қосып жүрген мекемелердің бірі.
Облыс тілдерді дамыту жөніндегі басқармасының бастығы Т.Әбілқасымов кітапхана қызметкерлеріне өз алғысын білдіріп, кітаптарды кітапхананың ресурстық орталығы басшылығына сыйға тартты.
Павлодар облысы тілдерді дамыту жөніндегі басқармасы.
