Павлодар қаласында педагогикалық кадрларды аттестациялау шаралары жүзеге асырылды.
Өңіріміздің педагог мамандарын міндетті тестілеуден өткізу осы жылғы аттестацияның ерекшелігі болып табылады. Осыған байланысты оқушылардың күзгі демалысы кезінде тестілеуге қаланың орта білім және мектепке дейін білім беру мекемелерінің 414 маманы қатысты. №7,11 жалпы орта білім беру мектептерінің базасында бірінші және жоғары білікті санаттарға 200-ден астам педагог мұғалімдік «Портфолионы» қорғау түрінде аттестациядан өтті. Шараға қатысқан әр мұғалім өзінің еңбек тәжірибесіндегі кәсіби жетістіктері мен тәжірибелерін ортаға салу мүмкіндігне ие болды.
Мұғалімдердің тәжірибелік деңгейі мен білімін педагогикалық кадрлар біліктілігін арттыру институтының мамандары бағалады. Бағалаудың бұл түрі 2011 жылы да жалғасын таппақ.
Аттестация қорытындысы 2011 жылдың маусым айында шығарылатын болады.
