Май ауданы Саты ауылының тумасы, жеке кәсіпкер Айбек Құсманов Саты орта мектебіне он жыл бойы көмек көрсетіп, демеуші болып келеді. Өткен жылы мектепке Аяз ата мен Қарша қыздың киімдерін және 1-8 сыныптар аралығындағы оқушыларға сыйлықтар табыс етсе, биыл 1-5 сыныптар аралығындағы оқушыларға және «Әйгерім» бөбектер бақшасының тәрбиеленушілеріне сыйлықтар берді. Әрдайым балаларды қуантып, демеуші болған ауылымыздың ардақты азаматы Айбек Сланбекұлына тұрғындар атынан айтар алғысымыз шексіз.
А.СОЛТАНОВА,
«Әйгерім» бөбектер бақшасының меңгерушісі, Май ауданы

