Қашыр ауданына қарасты Тегістік орта мектебінде музыка пәнінің мұғалімі М.Башированың ұйымдастыруымен әдеби-музыкалық кеш өтті. Оқушылар әйгілі сазгер Шәмші Қалдаяқовтың өмір жолымен таныс болып, оның әндерін шырқады. Сонымен қатар, талантты сазгер туралы жазылған өлеңдер оқылып, көрініс ұсынылды. Шара қызықты болды. Мектеп директоры С.Байкенов оқушылар үшін осындай әсерлі ән кешін ұйымдастырған музыка пәнінің мұғаліміне ризашылық білдіріп, өнерпаздарды мақтау қағаздарымен марапаттады.
Д.ЕМБЕРГЕНОВА,
Қашыр ауданы, Тегістік ауылы
