Кеше облыс әкімі Бақытжан Сағынтаев өңірдегі ең дарынды балалармен жүздесіп, ғылымдағы жетістіктерімен таныс болды.
Қазақстан Республикасы Тәуелсіздігінің 20 жылдығына орай ұйымдастырылып отырған игі шараға аймағымыздың түкпір-түкпірінен 51 оқушы шақырылды. Аймақ басшысымен кездескен талантты балалар ғылымдағы жетістіктері жөнінде айтып, егемен елімізді бұдан да көркейтуге байланысты өз ұсыныстарын жеткізді.
Кездесу барысында оқушылар облыс әкіміне тәрбие, білім алу, туризм саласын дамыту туралы және өздерін толғандырған өзге де сауалдарын қойып, ашық әңгімелесті.
Бұл туралы толығырақ келесі нөмірден оқи аласыздар.
Н.ШОДЫР.
