Орта білім туралы аттестатқа қол созған оқушының да, шәкіртіне «әліпті таяқ деп үйрету» жолында қырық атанға жүк боларлықтай қыруар жұмысты атқарып, маңдай терін төгетін мұғалімнің де, «Осы баламның болашағы қалай болар екен?» деп алаңдайтын ата-ананың да, «ҰБТ көрсеткіштері бойынша рейтингіміз құлдырап кетіп, көш соңында қалып қоймасақ жарар еді» деп елең-алаң күйге түсетін өңірлік биліктің де демін ішіне тартқызған Ұлттық бірыңғай тестілеудің (ҰБТ) биылғы науқаны да тәмам болды. Күні-түні тестілеуге дайындықтан бас көтермеген шәкірттердің жан күйзелісі бір сәт толастағандай. Әдеттегідей, науқан өтісімен оның нәтижелері еленіп-екшеліп, таразыға тартылып, оңы мен солы, дұрысы мен бұрысы сарапталуда. Бұған дейін талай мәрте жазғанымыздай, жалпы, ҰБТ-ны жақтаушылар да бар, даттаушылар да аз емес. Оның артық-кемін, тиімді-тиімсіз екенін бүгінгі қоғам әлі-ақ таразылай жатар деген ойдамыз...
Таразыда – тестілеу нәтижелері
Сонымен... ҰБТ-2011 тарих қойнауына жол тартты. Оның нәтижесі нендей болғанына аз кем-кем көз жүгіртіп өтелік. Ел бойынша жалпы саны 126 мың 168 оқушы қатысқан ҰБТ-2011 науқанында тек мектеп бітіруші 30 түлек қана ең жоғары деп саналатын 125 балға қол жеткізіпті.
Асыл ӘБІШЕВ.
(Материалдың толық нұсқасын «Сарыарқа самалы» газетінің 2011 жылғы 16 маусымындағы номерінен оқи аласыздар)
