Тілдер айлығы аясында Екібастұз қаласында мәдениет және тілдерді дамыту бөлімі мен «Атамұра» мәдениет орталығының ұйымдастыруымен бірқатар іс-шаралар өтті.
«Мемлекеттік тіл-елдің мұраты» акциясы жарияланып, бұқаралық ақпарат құралдарында, қоғамдық көліктерде мемлекеттік тіл насихатталды. Акцияның мақсаты әр екібастұздықтың бойында мемлекеттік тілге деген қызығушылықты оятып, қаламызда өткізіліп жатқан іс-шараларға бұқара халықты тарту болды.
«Тілдердің үштұғырлығы» мәдени жобасы аясында «Тіл дарын-2010» қалалық олимпиадасы өткізілді. Тілдер айлығы аясында мемлекеттік тілді насихаттаумен қатар, қаламызда тұратын өзге ұлттардың тілдерін насихаттау мақсатында «Тілдер достығы-халықтар достығы» фестивалі өткізілді, фестивальға 9 этно-мәдени бірлестіктің өкілдері қатысып, салт дәстүрлерін көрсетіп, өз тілдерінде әндерін орындады.
Сондай-ақ қалада тілдерді қолдану мен дамытудың 2011-2020 жылдарға арналған мемлекеттік бағдарламаның жобасын талқылауға арналған «Мемлекеттік тіл-ұлт бірлігінің басты факторы» атты тақырыпта конференция өткізілді.
Торғын АПАҚОВА,
Екібастұз қалалық мәдениет
және тілдерді дамыту бөлімінің бас маманы.
