Қазақстан Республикасында «Бір ел – бір кітап» акциясы 2007 жылдан бері өтізіліп келеді. Биылғы жылғы акция аясында Ақтоғай аудандық орталықтандырылған кітапхана жүйесінің С.Мүткенов ауылдық кітапханасында Жұбан Молдағалиевтің шығармашылығына арналған жоғары сынып оқушыларының қатысуымен поэзия кеші өтті. С.Мүткенов атындағы орта білім беру мектебі оқу ісінің меңгерушісі Гүлнәр Едігеқызы акцияның жастарға беретін тәрбиелік мәнін және оқушылардың кітапқа деген құштарлығын арттыратынын атап өтті. Поэзия кешіне жиналғандар С.Торайғыров атындағы облыстық кітапхана мамандары дайындап шығарған дискісі бойынша Ж.Молдағалиевтің өмірбаяны және шығармаларымен танысты.
Күлшайра ҚҰРМАҒАЗИНА,
С.Мүткенов ауылы кітапханасының меңгерушісі.
