Красноармейка аграрлық-техникалық колледжінде «Бір ел – бір кітап» акциясы аясында Жұбан Молдағалиевтің «Мен – қазақпын!» поэмасын насихаттау мақсатында әдеби кеш өтті.
Шара ақынның «Мен – қазақпын!» поэмасының сөзіне жазылған қазақ эстрадасының жұлдызы Ерболат Құдайбергеновтің әнін тыңдаумен басталды.
Акцияның ұйымдастырушысы Маржан Исмағұлова жиналған қауымды «Бір ел – бір кітап» акциясын өткізудегі мақсат-міндеттермен таныстырып өтті. Аталмыш әдеби кешке колледж студенттері белсене қатысты. Олар ақынның махаббат лирикасына арналған «Аққуым аспанда емес, жерде менің», «Көзімде қалды суретің», «Софьяға» және тағы басқа өлеңдерін тебірене оқыды. Студент Жанаргүл Жылқыайдар ақынның «Махаббат ерлігі» атты өлеңін оқыды.
Осы кеште колледж оқушылары Жұбан Молдағалиевтің өмірі мен шығармашылығынан мол мағлұмат алып, кітапхана қорында сақталған әдебиеттер көрмесімен, мерзімді басылымдар беттерінде жарық көрген мақалалармен танысты.
Ләззат ДОСЕКОВА,
Красноармейка аграрлық-техникалық колледжінің жас маманы.
