Май ауылының мәдениет үйінде «Ғашықтар айтқан ән мен жыр» атты ән байқауы өтті. Өнерлі жастардың бойындағы шығармашылық қабілеттерін дамыту мен халыққа таныту мақсатында ұйымдастырылған сайысқа қатысуға аудан ауылдарының тұрғындары көптеп ниет білдіріпті. Ғашықтық тақырыпта ән шырқау - өнер сайысының басты шарттарының бірі болды.
Май ауылдық округінің әкімі Қайырболат Оразбаев қатысушыларды ыстық ықыласпен қарсы алып, шығармашылық табыс тіледі.
Қазылар алқасының шешімі бойынша бірінші орынды - Көктөбе ауылының өнерпазы А.Кәрімов, екінші орынды Саты ауылының үмітін арқалап келген Н.Сағалов жеңіп алса, Майтүбек ауылының тұрғыны М.Ағайманова үшінші орынды қанағат тұтты.
М.ИМАНБАЕВ,
Май ауданы.
