Павлодарлық жас музыканттар үстіміздегі жылдың наурыз айында Алматы қаласында ҚР Тәуелсіздігінің 20 жылдығына орай өткен жас музыканттардың 45-ші республикалық фестиваль-байқауында түрлі бөлімдер бойынша 12 жүлделі орынға ие болды. Облыс намысын қорғаған өнерпаздар қатарында Павлодар қалалық дарынды балаларға арналған музыкалық мектеп-интернаты мен №1, 3 балалар музыка мектептерінің оқушылары болды.
Валторнада ойнау бойынша өз шеберлігін паш еткен Расул Нұртазин байқаудың үрмелі және соқпалы аспаптар бөлімі бойынша жеңімпаз атанса, Ярослав Кучерявых үздік виолончель тартушы деп танылды. Сондай-ақ, ішекті аспаптар бөлімінде өнер көрсеткен жас скрипкашы Мадина Адамова мен соқпалы аспап орындаушысы Давид Владовский да бірінші орынды жүлделеп қайтты.
Өз тілшіміз.
