Кеше Павлодар облысы әкімдігі мен «Қазақфильм» АҚ-ның қолдауымен Ш.Айманов атындағы кинотеатрда қазақстандық кино апталығы басталды. Отандық кино өнімдерін жұртшылыққа таныстыруды көздеген шара үстіміздегі жылғы сәуір айының жиырма екінші жұлдызына дейін жалғасады.
Апталық аясында павлодарлық киносүйер қауым қазақстандық киногерлердің «Махаббат тәлкегі», «Афалинаның секірісі», «Алқызыл қоян туралы ертегі», «Бәйтерек», «Менің балалығымның аспаны» фильмдерін тамашаламақ. Әрбір фильм көрсетілімінен кейін аталмыш кинотуындылардың түсіруші тобымен кездесулер ұйымдастырылады.
Өз тілшіміз.
