Қазақстан халқы Ассамблеясының Павлодар облысындағы өкілдігінің толыққанды мүшесі ретінде қалыптасқан «Эльбрус» бірлестігі жас болса да, өзінің ұлтжанды өкілдерімен, өнерпаз жастарымен және данагөй қарияларымен танымал. Солтүстік Кавказ жерінде ғасырлар бойы ғұмыр кешкен қарашайлар, балкарлар, черкестер мен кабардиндардың өкілдерін бір шаңырақтың астына біріктіріп отырған бірлестік 2005 жылы ашылған. Бүгінгі таңда Шарбақты, Успенка және Павлодар аудандарында филиалдары бар. «Эльбрус» орталығы тек өз ұлтының мәдениетін, тілін, дәстүрі мен салтын жаңғырту жұмыстарын жүргізіп қана қоймай, қазақ тілін үйретуді де негізгі істердің бірі деп санайды. Аталмыш этно-мәдени орталықтың төрайымы Мария Байрамкулованың айтуынша, павлодарлық қарашай-черкес және кабардин-балкар ұлттарының басын бір арнаға тоғыстырған бірлестіктің ең басты жетістігі – туған тілдерін жаңғыртумен қатар, бауырлас қазақ халқының мәдениетін біліп, құрмет тұтуы. «Этно-мәдени бірлестігіміздің құрылғанына биыл 6 жыл толып отыр.
(бұл туралы толық мақаланы газетіміздің №69 санынан оқисыздар)
Ақмарал ЕСІМХАНОВА.
Суреттерді түсірген Төлеген Нұрғазы.
