2010 жылдың 3-5 тамызы аралығында Баянауыл ауданының демалыс аймағында Қазақстанның үздік КВН командаларының қатысуымен қазақ КВН-інің кезекті «Жасыбай толқыны» республикалық жазғы фестивалі өтеді. 2008 жылдан бастап дәстүрлі түрде ұйымдастырылып келе жатқан биылғы фестивальге еліміздің сегіз аймағынан Астана, Павлодар, Тараз, Семей, Жезқазған, Қарағанды, Қызылорда, Шымкент, Ақтау және Атырау қалаларының әзілкештері қатысады.
Фестиваль бағдарламасына бейресми командалар мен шеберлердің өнер көрсетуі де жоспарланып отыр. Басты шара 4-ші тамыз күні 16.00 де Жасыбай көлінің жағасында басталады. Фестивальді Қазақстан КВН Одағы Президенті Есен Елеукен жүргізеді.
Республикалық «Жасыбай толқыны» қазақ КВН-інің жазғы фестивалі Павлодар облысы әкімдігінің қолдауымен, Павлодар облысы ішкі саясат және тілдерді дамыту басқармаларының демеушілігімен, Павлодар қаласы ішкі саясат бөлімінің, Баянауыл ауданы әкімдігінің, «Нұр Отан» ХДП ПОФ және С.Торайғыров атындағы Павлодар мемлекеттік университетінің ұйымдастыруымен жүзеге асырылып отыр. Фестивальдің жоғары деңгейде өтуіне Павлодар облысының жастар бірлестіктері де ерекше үлес қосуда.
Ұйымдастыру комитеті.
