Тегін медициналық көмек көрсету – қоғамымыздағы басты мәселелердің бірі. Облыстық әкімдікте облыс әкімінің орынбасары Ә.Ғалымованың басшылығымен тегін медициналық көмектің кепілдендірілген көлемін айқындау мәселелері жөнінде үйлестіру кеңесінің кезекті отырысы болып өтті.
Отырыс барысында медициналық мекемелерде Бірыңғай ұлттық денсаулық сақтау жүйесін енгізу нәтижесі сөз болды.
Ағымдағы жылдың 1 шілдесінен бастап облыстың емдеу-алдын алу ұйымдарында арнайы портал енгізу мәселесі қаралды. Облыстық денсаулық сақтау басқармасы мен ҚР Денсаулық сақтау министрлігі республикалық ақпараттық-талдау орталығының Павлодар облыстық филиалына тұрғындарға арнайы бюро порталы туралы түсіндіру жұмыстарын жүргізу тапсырылды.
Қ.ҚАБЫЛДЕНОВА.
