Шілденің алғашқы күнінен студенттік құрылыс және «Жасыл ел» жастар жасақтарының еңбек семестрі басталысымен, Лебяжі ауданында да «Жасыл ел» мемлекеттік бағдарламасы аясында студент жастардан жасақталған отряд жұмыс істейді. Жалынды жастар көмегімен ауданда абаттандыру, көгалдандыру жұмыстары жалғасын табуда.
75 сарбаздан жасақталған «Жасыл ел» отряды бүгінде 2009-2010 жылдары отырғызылған қарағай көшеттерін күтумен және өрт шалған орман алқаптарын тазалаумен айналысуда. Олар Шарбақты, Малыбай және Майқарағай ауылдық округтерінде орналасқан «Ертіс орманы» орман шаруашылығы құрылымдарында еңбек етуде. Лебяжі аудандық «Жасыл ел» мүшелерінің жалақысы 31 832 теңгені құрап отыр.
Жазғы маусымды тиімді өткізумен қатар ауданымызды көркейтіп, уақытты қызу еңбек арасында өткізу - жастар үшін абырой, сонымен қатар еліміздің одан әрі гүлдене түсуіне қосылған үлес.
С.ХАЛЕМОВ,
аудандық ішкі саясат бөлімінің бастығы.
