Редакцияға хат
Баянауыл ауданындағы Сұлужон жалпы орта білім беру мектебінің ұжымы жыл сайын республикалық «Мектепке жол» акциясына қатысады. Осы жылы да игі шара жалғасын тауып, аз қамтылған отбасылардың балаларына көмек көрсетілді. Ауылымыздың мектеп жасындағы барлық жеткіншектері жаппай оқу-құралдар мен киім-кешектермен қамтамасыз етілді.
Ауқымды акцияға қатысуға ниет білдірген ауыл тұрғыны, зейнеткер Қабиден Жанделдинов мектеп оқушыларына он мың теңге көлемінде қаражат беріп, тосын сый жасады. Осындай жомарт адамға Сұлужон жалпы орта мектебінің ұжымы алғысын білдіреді.
Зарема СӘДУАҚАСОВА,
Баянауыл ауданы.
