Ақсу қаласында үйлер мен ғимараттардың сыртын Жаңа жылдық мерекеге сай безендіру жөнінде арнаулы байқау жарияланған болатын. Таяуда оның қорытындылары шығарылды. Бас жүлдені Еуразиялық банк филиалы жеңіп алды. Бірінші орынға «Горводоканал» мемлекеттік коммуналдық кәсіпорны, екінші орынға Ақсу ферроқорытпа зауыты, үшінші орынға Ақсу электр жүйелерінің кәсіпорны ие болды.
Қалалық емхана, «О-ля-ля» шаштаразы, Ақсу телекоммуникация байланысы мекемесі және №8 орта мектептің сыртының жаңа жылдық безендірілуі де мақталды. Аталған ұйымдар грамоталар мен сыйлықтарға ие болды.
Сондай-ақ Ертіс жағасындағы алаңды мұздан жасаған бейнелермен безендірудің қорытындылары шығарылды. Мұнда Ақсу ферроқорытпа зауыты мен Еуроазиаттық энергетикалық корпорациясы жеңімпаз болып, сыйлықтар алды.
