Ақсу қаласының орталықтандырылған кітапханасында ел Тәуелсіздігінің 20 жылдығына орай «Менің тәуелсіз Қазақстаным!» атты жас ақындар айтысы өтті.
Жыр сайысында өңірдің 12-16 жас аралығындағы 20-ға жуық жас бағын сынады. Балауса ақындар қазақ еліне, туған өлкелері Ақсу қаласына деген шынайы сүйіспеншіліктерін өлең жолдары арқылы тебірене жеткізіп, халықтың ықыласына ие болды. Айтыс қорытындысы бойынша бас жүлдені қаланың №1 орта мектебінің оқушысы Төлеухан Сағындық жеңіп алды. Аталмыш оқу орнының намысын қорғаған Гүлімай Дарғанбекова бірінші орынды иеленсе, екінші орын қаланың №8 мектебінің жас ақыны Екатерина Гончарукке бұйырды. Еңбек орта мектебінің оқушысы Оралған Қайрат үшінші орын иегері атанды.
Е.НҰРМАҒАМБЕТҰЛЫ.
