Кеңтүбек ауылындағы ескі аурухана ғимаратына «Май-Сервис» мемлекеттік коммуналдық кәсіпорны тарапынан күрделі жөндеу жұмыстары жүргізіліп, қоғамдық монша ашылды.
30 наурыз күні аудан әкімі Н.Пішенбаев қоғамдық моншаның ашылу рәсіміне қатысты.
Н.Пішенбаев биылғы жылы Кеңтүбек ауылында жазғы су құбыры да іске қосылатынын, бұл іске аудандық бюджеттен 5 млн. теңге бөлінетінін мәлімдеді.
Сондай-ақ, аудан әкімі ауыл тұрғындарына алғашқы күні монша қызметі тегін көрсетілетінін хабарлады.
Моншаға кіру құны бір адам үшін 250 теңгені құрайды. Сонымен қоса, монша ғимараты ішінде шаштараз бөлмесі де қызмет көрсетеді.
М.ҚЫЗЫРҰЛЫ.
Май ауданы.
