«Достық үйі» мен Қазақстан халқы Ассамблеясы облыстық филиалының үгіт пойызы «Менің елім - Қазақстан» атты концерттік бағдарламасымен Мәмәйіт Омаров атындағы және Евгеньевка ауылдарында болып қайтты. Шараны Ақсу қалалық мәдени-сауық орталығы ұйымдастырды.
Қазақстан халқы Ассамблеясы облыстық филиалының «Эльбрус» кабардин-балкар және қарашай-черкес этно-мәдени бірлестігінің төрайымы Мария Байрамкулова бастап келген өнерпаздар тобы ақсулық жамағаттың ыстық ықыласына бөленді. «Куанч», «Алан» топтарының әншілері және славян этно-мәдени бірлестігінің мүшесі Клавдия Кузьминская жұртшылықты әсем әнге бөлеп, көңіл-күйін жадыратты. Әсіресе, сымбаттылық пен сұлулықты дәріптеген тау халқының «Голлу», «Таулыла» билері көрерменнің зор қошеметіне бөленді.
А.СЕЙСЕНБАЕВА,
Ақсу қаласы.
