Ақсу қаласына қарасты Жолқұдық ауылындағы Ребровка бастауыш мектебінде «Елбасы – Тәуелсіздік тірегі» деген тақырыпта ашық әңгіме сағаты өтті. Оған барлық бала белсенді қатысты. Бастауыш сынып мұғалімі Ақбай Айжан оқушыларға Президенттің балалық шағынан және тәуелсіздік алғаннан кейінгі 20 жыл ішінде жеткен жетістіктер жөнінде әңгімелеп берді. Бұдан соң сөз тізгінін балалар алды. 4-сынып оқушысы Әлішер Рахмұқанов: Нұрсұлтан атамыздай ақылды болсам, ең бірінші ауылымды көркейтемін», - деді. Ал 3-сынып оқушысы Егінбай Ерғали: «Мен Қазақстанда туғаныма қуанамын. Президентке шексіз алғыс айтамын», - деп жүрекжарды лебізін жеткізді.
Осылайша, әр бала Президент пен егемен елі туралы өз ойларын ортаға салды. Әңгіме сағаты мазмұнды өтті.
А.АҚБАЙ,
Ақсу қаласы, Жолқұдық ауылы.
