Қала әкімдігінің мәжіліс залында тілдерді қолдану мен дамытуды қамтамасыз ету жөніндегі үйлестіру кеңесінің отырысы өтті. Шара барысында мемлекеттік мекемелерде ана тілін қолдану мен насихаттау барысы жөнінде Ақсу қаласы мемлекеттік мұрағаты, әділет, сондай-ақ, санитарлық-эпидемиологиялық қадағалау басқармасының, халыққа қызмет көрсету орталығының басшылары есеп берді. Онымен қоса, бірқатар жалпы білім беру мектебі директорлары мен балабақшалар меңгерушілерінің баяндамасы тыңдалды. Мәжілісте сөз алған қала әкімінің орынбасары Е.Рахымжанов қазақ тілін қолдану мен дамытуды мемлекеттік органдардың басшылары өздері бас болып қолға алуы қажет екенін айтты. Содан кейін ғана олар қызметкерлерінен тиісті нәтиже талап ете алады.
Шамшат ЖҮНІСҚАЛИ.
