Таяуда Павлодар мемлекеттік педагогикалық институтының кітапханасында студенттердің қатысуымен жыршы Жамбыл Жабаевтың 165 жылдық мерейтойына арналған «Жыр алыбы - Жамбыл» атты әдеби–музыкалық кеш өтті.
Кешті филология факультетінің студенті Кәп Ардакерей өзінің жыр шашуымен ашты. Бұдан кейін ПМПИ магистратура факультетінің студенттері М.Нұрғалиева мен Е.Әбеуова ақынның мұралары туралы сырт шертсе, филология факультетінің студенттері Б.Тұралина, Б.Қуандыққызы мен колледж студенті Отарбай Бейбарыс Жамбыл жырларын мәнерлеп оқыды.
Кеш соңында студенттер «ХХ ғасырдың ұлы жырауы» атты кітап көрмесін тамашалады.
Қ.ТӨЛЕУБАЕВА,
ПМПИ ғылыми-библиографиялық бөлімінің бастығы.
