Ақтоғай ауданына қарасты Әуелбек ауылдық округінде әкімдік, мәдениет үйі, мектеп, кітапхана ғимараттарында жөндеу жұмыстары жүргізілуде. Атқарылып жатқан істерге мекеме қызметкерлерімен қатар жұмыссыздар да тартылды.
Жаңа оқу жылында оқушылар жақсы жағдайда білім алуы үшін мектепте күрделі жөндеу іске асуда. Атап айтқанда, жергілікті бюджеттен бөлінген қаражатқа жылу жүйесі жөнделеді, басқа да маңызды жұмыстар жасалады. Жалпы жөндеу жұмыстары 1 тамызға дейін аяқталады деп күтілуде. Мектептің қазандығында жылу құбырлары жаңартылып, 40 метрлік құбырөткізгіштер салынды, 10 дана сырғымалы жапқыштар ауыстырылып, 56 метрлік радиаторлар жуылады, 15 метрлік бройлер қайта жөнделетін болады. Қазандықтағы істерге арналған 400 мың теңге тамыз айының 20-25 күндеріне таман толық игеріліп, жөндеу жұмыстары аяқталады деп жоспарлануда.
Т.СМАҒҰЛОВ.
