Ертіс ауданында жұмыс істеуде
Еліміздің үдемелі индустриялық-инновациялық даму бағдарламасы облысымыздың да экономикалық әлеуетіне мол септігін тигізіп отыр. Өндірісті аймақтың өнеркәсібі одан әрі өркендеу жолына түсті. Қысқа мерзімде аймақта жаңа кәсіпорындар ашылып, шағын және орта кәсіпкерлік қанатын кеңге жайды. Бұл тұрғыдан алғанда, даму қарқынымыз күткендегіден де жоғары болып отыр. Кәсіпкерлер мұндай жетістікке мемлекет қолдауының арқасында қол жеткізгендерін айтады.
Бір қуанарлығы, кәсіпкерлік нысандары тек қалалық жерлерде емес, аудандарда да көптеп бой түзеуде. Осы ретте Ертіс ауданы кәсіпкерлерінің белсенділігін атап өткен жөн. Солардың бірі – облысымызға аты кеңінен танымал, элиталық тұқымдық өсімдіктер өсірумен айналысатын аймағымыздағы аса ірі шаруашылық «Абай» ЖШС. Аталмыш серіктестік тек ауыл шаруашылығы ғана емес, өнеркәсіптің бірқатар салаларын дамытуда. Бүгін біз кәсіпорынға қарасты аудан орталығында бой көтерген сүт өнімдерін шығаратын шағын зауыт жайында әңгіме қозғамақпыз. Бұл зауыт – аудан көлеміндегі бірегей, әмбебап өндіріс орны. Бұдан бөлек онда сыра қайнату, жиһаз жасау цехы, наубайхана орналасқан.
Данияр ЖҰМАДІЛОВ,
Ертіс ауданы.
(Материалдың толық нұсқасын «Сарыарқа самалы» газетінің 2011 жыл 15 қыркүйектегі нөмірінен оқи аласыз)
