«Қазақстан темір жолы» ұлттық компаниясы мен денсаулық сақтау және төтенше жағдайлар министрліктерінің ұйымдастыруымен темір жол бекеттері бойындағы елдімекен тұрғындарына тегін медициналық көмек көрсету мақсатында «Денсаулық пойызы» сапарға шыққан еді.
17 жоғары білікті дәрігерлер мен оннан астам дәрігерлер жұрттың денсаулығын тексеріп, тиісті жәрдемдерін беруде. Май ауданына дейін 9 мың тұрғынды қабылдаған ақ халатты абзал жандардың келуіне риза болған жұрт «Денсаулық пойызын» жылы ықыласпен қарсы алды. Екі күн бойы халыққа қызмет көрсеткен дәрігерлер тобы отырған пойыз 17 тамыз күні аудан орталығы Көктөбеде болып қайтты. Сонымен қатар Ақжар, Қаратерек, Майтүбек, Жұмыскер елдімекендерінен келген 437 ауыл тұрғынына дәрігерлік қызмет көрсетілді.
Мейрамбек ҚЫЗЫРҰЛЫ.
