Баянауыл ауданында «Жастар» кешенді бағдарламасы аясында жастар арасында мемлекеттік тілді дамыту, жастар шығармашылығын арттыру мақсатында ҚР Конституциясының 15 жылдығына орай аудан әкімінің кубогы үшін КВН ойыны өткізілді. КВН-нің іріктеу турлары нәтижесінде қатысқан 13 ұжымның арасынан 6 команда финалдық ойынға жолдама алды.
Финалдық ойынға Ұзынбұлақ ауылдық округінің «Бес саусақ», Сәтбаев ауылдық округінің «Теңдік - тігідік – тігідік», Баянауыл ауылдық округінің «Баян еркелері», Торайғыр ауылдық округінің «Жас дәурен», Майқайың кентінің «Жас қыран» мен Қызылтау ауылдық округінің «Думан-кz» командалары қатысып, әзілден шашу шашты.
«Менің Отаным - Қазақстан» атты тақырыпта өткен көңілділер және тапқырлар ойындары ойдағыдай өтіп, аудан тұрғындарына көтеріңкі көңіл-күй сыйлады.
Қазылар алқасы мүшелерінің шешімімен КВН ойынынан аудан әкімінің кубогын Қызылтау ауылдық округінің «Думан-кz» командасы жеңіп алды. Олармен тең дәрежеде өнер көрсеткен «Бес саусақ» командасы бірінші орынды, «Баян еркелері» екінші орын және «Жас дәурен» командасы үшінші орынды иеленді.
Баянауыл аудандық ішкі саяат бөлімі.
