Биылғы жаңа оқу жылын Шарбақты ауданының мектептері үлкен дайындықпен бастады. Себебі, аудан әкімшілігі балалардың жақсы білім алуы үшін мектептердің материалдық-техникалық базасын нығайтуға тиянақты түрде назар аударды. Осы мақсатқа жергілікті бюджеттен қомақты қаржы бөлініп, қажетті құрал-жабдықтар сатып алынды. Бұл жұмыс алдағы уақытта да жалғасын табады деп күтілуде. Сонымен қатар аудандағы білім беру ордалары толығымен жөндеуден өткізілді. Үстіміздегі жылы 12 мектепке күрделі жөндеу жұмыстарын жүргізу үшін 21 миллион, ағымдағы жөндеу жұмыстарын жүргізу үшін 6,5 миллион теңге көлемінде қаржы жұмсалды. Мемлекеттік «Жол картасы» бағдарламасы аясында №1-ші Шарбақты орта мектебі жөндеуден өтті. Аталған білім ордасын қалпына келтіруге 20 миллион теңге жұмсалған.
Даниял ҚЫЗЫРҰЛЫ.
