Жыл соңына дейін облыс бойынша шамамен 130 мың шаршы метрден астам тұрғын үй пайдалануға беріледі. Оның тоқсан мың шаршы метрі облыс орталығына тиесілі. Бұл туралы облыс әкімі Бақытжан Сағынтаев кеше Павлодар қаласында салынып жатқан түрлі құрылыс нысандарын аралау барысында мәлімдеді.
Жалпы, биыл әлеуметтік салаға көп көңіл бөлініп отырғандығы байқалады. Бұл ретте, тек тұрғын үйлер ғана емес, сондай-ақ денсаулық сақтау, білім беру, мәдениет салаларында жаңа нысандар тұрғызылып, ескілері жөндеуден өткізілуде. Облыс әкімі Б.Сағынтаев сапарын А.Чехов атындағы облыстық драма театрынан бастады. Нысан күрделі жөндеуден өткізілуде. Бұл мақсатқа облыстық бюджеттен 239 141,1 мың теңге бөлінді. Театр жаңа маусымның ашылуына дейін пайдалануға беріледі.
Данияр ЖҰМАДІЛОВ.
(Материалдың толық нұсқасын «Сарыарқа самалы» газетінің 2011 жыл 30 шілдедегі номерінен оқи аласыз)
