Осыдан біраз уақыт бұрын облыс басшылығының ықпал етуімен жергілікті құрал-жабдық шығарушы бірнеше кәсіпорынға «Қазақмыс» корпорациясының қаржылай көмек беретіні мәлім болған. Бұл шығарып жатқан өнім көлемін арттыруға мүмкіндігі жоқ бизнесті модернизациялау үшін таптырмайтын тиімді жол еді. Таяуда осындай қаржылай қолдаудың нәтижесінде заманауи техникалық үлгіде жарақталған «Format Mach Company» ЖШС жаңа жобасының тұсауы кесілді. Машина жасау саласында жұмыс істейтін компанияның бірінші вице-президенті А.Қанахиннің мәлімдеуінше, жаңартылған өндіріс еселене түсіп, айына 150 млн. теңгенің сұранысы үлкен өнімдерін шығаруға мол мүмкіндік туды. 2005 жылы құрылған кезде кәсіпорында небары 48 адам жұмыс істесе, олардың саны осы мезгілде 250 маманға жеткен.
Нұрбол ЖАЙЫҚБАЕВ.
(Материалдың толық нұсқасын «Сарыарқа самалы» газетінің 2011 жыл 30 маусымдағы номерінен оқи аласыз)
