Бикен Ыдырысов басқаратын «Радуга» пәтер иелері кооперативі қарамағында барлығы 11 үй немесе 1001 пәтер, 7 заңды тұлға бар. ПИК-пен көрсетілетін қызмет 90 пайыздан астам қаржы көзін құрайды. Ақпан айында бұл ПИК-ке қосымша Қамзин көшесіндегі 24-ші үй енгізілген. Апаттық жағдайда болған үйдің инженерлік жүйесі күні-түні тынымсыз еңбектің нәтижесінде қалыпқа келтірілген. ПИК төрайымының айтуы бойынша, коммуналдық қызмет есебінен 633 мың теңге қаржы жиналып, оның 594 мың сомасы материал алуға жұмсалған. Қазіргі таңда тұрғын үйлердің 95 пайызы қысқы маусымға дайын.
ПИК жылу мен суды пәтерге жеткізуді қамтамасыз етуден басқа аулалар мен подъездердің, жертөлелердің жағдайына жауап береді. «Қыс қыр астында» демекші, аз уақыт ішінде тұрғын үйлерді қысқа дайындап, қала тұрғындарына жайлы жағдай жасауға тырысады.
А.СЕЙСЕНБАЕВА.
