Осы аптаның сәрсенбі-бейсенбі күндері облыс орталығындағы «Астана» мұз сарайында «Қазақстан-Сібір 2011» халықаралық көрмесі өтті. Көрмеде Қазақстан мен Ресей елдерінің шекаралас аймақтарының үздік тауар өндірушілері өз өнімдерін ұсынды. Ел Тәуелсіздігінің 20 жылдығы аясында ұйымдастырылған шара барысында екі ел кәсіпкерлерінің өзара пікір алмасып, әңгімелесулеріне мүмкіндік жасалды.
Алғашқы күні «Достық» үйінде Қазақстан Республикасы және Ресей Федерациясы кәсіпорындарының өкілдері диалогтік алаңда тәжірибе алмасты. Қатысушылар алдымен «Кедендік одақ шеңберіндегі Қазақстан Республикасы мен Ресей Федерациясы кәсіпорындарының жаңа мүмкіндіктері және нарық дамуының келешегі» атты дөңгелек үстел шарасында өз ойларын ортаға салды.
Нұрбол ЖАЙЫҚБАЕВ,
Фархат ӘМІРЕНОВ.
(Материалдың толық нұсқасын «Сарыарқа самалы» газетінің 2011 жыл 1 қазандағы номерінен оқи аласыз)
